ازاي اهتم بنفسي مع مشاغل الحياة والضغوط اليومية
كل ست وبنوته بتحلم انها تكون علي قدر عال من الجمال وعشان نبقي كده محتاجين اننا نهتم بنفسنا زي ما بنهتم ببتنا واولادنا وغالبا مش بنلاقي الوقت لده
فجبتلك شوية نصائح هتفيدك جدا في حياتك وخليها روتينك اليومي والاسبوعي والتزمي بيها وشوفي الفرق
🔫وهي اكتر شكاوي الستات ..انهم مش لاقين وقت يهتموا بنفسهم .. 💚تعالي كدة نبسط الموضوع علي نفسنا ونتعود علي شوية حاجات نعملها باستمرار .
1 - لبس النوم ..يتقلع قبل ما تخرجي من الاوضة ونلبس لبس قطن مريح نعرف نتحرك بيه .
2 - شعرنا يا جماعة ..نسرحوا علي الاقل مرة في اليوم بلاش بقالي اسبوع محطتش في مشط و يستحسن يكون مشط خشب ..
دي هي دقيقة كل يوم
.
3 - ايدي ناشفة من كتر المواعين والمية والصابون ..طيب ممكن تحطي علبة كريم صغيرة جنبك في المطبخ عشان متنسيش نفسك وكل ما تنشفي ايدك تحطي كريم ..برده مش هياخد منك دقيقة . عندك كريم جليسوليد تحفة و لو عليه عصرة ليمونة يفتح كمان .. و ممكن نيفيا .. و دوف كمان للبشرة الدهنية كمان ..
4 - بعد ما تخلصي عصر الليمون ماترميهوش ..ادعكي بيه ايديك وبالذات ضوافرك و حواليها .
5 - لما تيجي تاخدي دش ..خدي معاكي شوية سكر وحطيهم ع الشاور جيل هتعملي اسكرب هايل بأقل تكلفة واقل وقت 😍
6- خلي دايما في الحمام أو ع التسريحة كيس قطن و مية ورد .. ونضفي بيهم وشك مرة في اليوم .
7- جنب سريرك خلي دايما علبة كريم او فازلين وحطي علي ايدك و كعب رجلك و الركبتين قبل ما تنامي وياريت لو لبستي شراب هتصحي تلاقيها ناعمة جدا .
8 - مرة في الاسبوع حطي شوية زيت زيتون علي شعرك قبل ما تدخلي تاخدي دش هيغذية ويطريه جدا و لو ماشية على زيوت معينة وصفناها و ملاحظة نتيجة إستمري عليها .
9-💝حبى نفسك😊
💟اول حد الصبح تصبحي عليه هو انتى ..بصي لنفسك ف المراية واضحكى وقولى لنفسك كلام حلو ودلعب نفسك☺
💟لما تيجى تحطى لنفسك اكل او تعملى شاى او قهوة ،اختارى احسن طبق واشيك مج ..مش خساره فيكى انتى تستاهلى 😉
💟اعملى لنفسك روتين جمالى يومى ..اغسلى وشك بمنظف..وبعدين رشى ميه ورد ..ولما تنشف حطى كريم مرطب ،اعمليه مره الصبح ومره بليل و جيبي زيوت معطرة من العطار و غيريها كل فترة و إهتمي بجسمك و شعرك و جربي وصفاتنا اللي تريحك ..
💝حبى نفسك ..وفرحيها
💟اعملى روتين اسبوعى ..ماسك ..اسكرب ..حمام عطرى
وروتين شهرى ...حمام مغربى ..وحمام عطرى و عيشي بقى حتى لو مش عروسة
..
💝حبى نفسك... وقدريها
💟اشربى 3 لتر ميه ف اليوم وشك و جسمك هيتغير تغيير ملحوظ بيها و جلدك هيستفاد ..
💝حبى نفسك ...واهتمى بيها 😊
نعمل اسكراب من زيت الزيتون والسكر والليمون علي الوجه مره في الاسبوع رائع. بس بلاش لأصحاب البشرة الحساسه
القهوه كمان رائعه جداً لو خلطيها بزيت زيتون والترمس المطحون وماء الورد وتعملي اسكرب مره في الاسبوع
او ممكن الاكتفاء بالقهوة وزيت الزيتون بتفتح و تشيل العلامات البيضا او علامات الولادة او علامات التمدد الجلدي ...
الهالات السودا جربي الخيار أو الشاي الأخضر جميل .
اخلطي زيت الزيتون،مع اي كريم،وحطيه علي جسمك بس يكون اللوشن او الكريم ليه ريحه،حلوه لتغذية البشره..
.
بعد الشاور ادهني مخمرية للجسم بيدي ريحة روعة وثبات طول اليوم..ومرة كل اسبوع عمل.حمام مغربي والليفة المغربية بياض ونعومة..وعمل حمام زيوت وكريم قبل الشاور للشعر مرة اسبوعيا
كل خطوة من اللي فاتت دي مش بتاخد اكتر من دقيقة ..يعني هي مسألة تعود مش اكتر
ك
منقول
ليست هناك تعليقات:
إرسال تعليق